Mynydd Hiraethog: Darganfod Treftadaeth yr Uwchdiroedd

Llyfr dwyieithog yw hwn.

Mynydd Hiraethog: The Denbigh Moors gan Robert J. Silvester gyda chyfraniadau gan Louise Barker a David Leighton, cyhoeddwyd gan Gomisiwn Brenhinol Henebion Cymru, 2011, llyfr dwyieithog â chlawr papur, 88 tudalen, 60 llun, ISBN 978-1-871184-40-2

Tirweddau ucheldiroedd Cymru yw nodwedd amlycaf y wlad ac yno cewch chi drysorfa anferth o olion archaeolegol a threftadaeth ein gwlad. Oherwydd y dystiolaeth eithriadol sydd yno o fywydau pobl ar draws miloedd o flynyddoedd, maent o bwys rhyngwladol. Yn y llyfr hwn fe adroddir hanes can milltir sgwâr Mynydd Hiraethog. Gan i bobl gyfanheddu neu ddefnyddio’r bryniau hyn dros filoedd ar filoedd o flynyddoedd, mae olion eu gweithgareddau i’w gweld yn y dirwedd hyd heddiw. Cewch ddisgrifiad o’r gweithgareddau hynny yng ngoleuni’r darganfyddiadau diweddar. Adroddir hanes to ar ôl to o werin bobl mewn amgylchedd a fodlonai lu o’u hanghenion ond a allai, ar adegau, fod yn arw ac yn her.

• Rhagair
• Rhagymadrodd
• Tirwedd Hiraethog
• Astudio Hiraethog
• Hanes Hiraethog
• Claddedigaethau a Defodau Cynhanesyddol
• Anheddu ac Amaethu Cynhanesyddol
• Anheddu ac Amaethu yn y Cyfnod Hanesyddol
• Cyfoeth y Gweundir
• Llwybrau a Ffyrdd
• Yr Ystadau Mawrion
• Yr Ugeinfed Ganrif
• Safleoedd i Ymweld â Hwy
• Teithiau Cerdded
• Cael gwybod rhagor
• Cyfeiriadau a dallen pellach