Cymru Hanesyddol o’r Awyr - Historic Wales from the Air

Llyfr dwyieithog yw hwn.

Mewn 220 a rhagor o luniau gwych mae'r llyfr hwn yn ymchwilio i dirweddau a hanes Cymru. Maent yn dyddio o'r 1920au hyd heddiw ac o waith cynharaf awyrlunwyr preifat a milwrol i ddarganfyddiadau diweddaraf archaeolegwyr-o'r-awyr. Mae'r lluniau wedi'u dewis o gasgliad mwyaf y wlad o awyrluniau, sef rhan o archifau enfawr Cofnod Henebion Cenedlaethol Cymru, ac mae llawer ohonynt heb eu cyhoeddi erioed o'r blaen. Yn eu holl gyfoeth a'u hamrywiaeth mae'r lluniau eithriadol o ddiddorol hyn yn adrodd hynt a helynt ein gwlad.